和味十足無面男居酒屋

尖沙咀食日本菜真係有好多選擇，但要夠曬特別，和道屋真係必選居酒屋之一 居酒屋一入門口就好有驚喜，長長既和式走廊，有和風紙燈籠、鳥居牆身、櫻花樹及《千與千尋》既無臉男坐係度陪大家打卡，難怪一開張就成為大家既打卡熱點 沿住樓梯上去都係充滿東瀛風情既燈籠、酒桶、掛畫擺設，真係好似返左去日本一樣 店內設有大量坐位，另外仲有榻榻米卡座，充滿日本居酒屋味道 居酒屋提供壽司、刺身、即製串燒、燒物、石燒、天婦羅、日式特色火鍋及鍋物，款式選擇非常多 食物方面 : 特選壽司盛盒八貫 : 壽司盛盒非常豐富，有馬糞海膽、牡丹蝦、中拖羅、帶子、深海池魚、魚、赤身及三文魚，剌身新鮮鮮甜，配上味醋飯就無得頂 日本和牛刺身(5切) : 和牛食得多，厚身既和牛刺身就第一次試，入口軟熟無筋，脂肪帶有油香，仲有濃郁牛肉味 串燒 : 串燒燒得出色，選擇左四款過下口癮 - 鹽燒厚切牛舌夠曬厚身，口感煙韌彈牙夠 juicy - 明太子雞腿肉串上便明太子醬超多，雞腿肉嫩滑 - 千歲米豚蘆筍卷用上口感清爽美味既蘆筍，再用豚肉捲住去燒，蘸上少少醬汁，口感爽脆又有豚肉味 - 鹽燒雞腎質韌脆嫩，爽口入味 汁燒原隻魷魚筒 : 魷魚筒真係超大隻，再淋上照燒汁，口感爽口彈牙又惹味 鰻魚玉子燒 : 玉子燒烤得軟滑蛋味濃，入便包住嫩滑既鰻魚，再加少少鰻魚汁已經好好味 雞皮餃子 : 外皮炸得鬆脆，內裡充滿雞肉，味道有驚喜 燒飯團 : 飯團燒到金黃，外層香脆有醬油味，再用紫菜包住食就味道剛剛好 名稱：和道屋 地址：尖沙咀加連威老道46-48號恆隆銀行大廈地舖及閣樓 營業時間 : 1200-1500，1800-2300 前往方法：港鐵尖沙咀/尖東站 B2 出口, 步行約5分鐘 人均消費 : $200-400 🌱🌱🌱🌱🌱🌱🌱🌱🌱🌱🌱🌱🌱 歡迎大家支持埋我的 Facebook page FB page: https://www.facebook.com/barbaours/ #barbaours_ #barbabeau#barbapapa#tsimshatsui@wado_izakaya #wadoizakaya #izakaya#kushiyaki#sushi#wagyu #hkrestaurant#japanesefood#japanesefoodlover #hklife#lifestyle#DiscoverHongKong#hongkong#hkblogger#hkfoodie#instafood#iphonephotography #foodphotography#foodstagram#foodblogger#foodstagram#foodie #travel#travelgram#travelblogger #居酒屋#和道屋 #UCreator#打卡美食#好去處#全新景點#chill#隱世打卡點#求好旅友#想飛賞飛#春日賞櫻